«İNGİLTERE’DE VATANIMNIN ADI QIRIMDIR KİTABI TAKDİM ETİLECEK!»

Kırımınsesi(Kırım)

Noyabr (kasım) 6-9 künleri İngilterede «Open Eurasia and Central Asia book forum and literature festival - 2015» kitap forumı ve halqara edebiyat festivali ötkerilecek. Londrada keçirilecek bu forum ve festivalde keniş kütlege daha belli olmağan qırımtatar şairesi Lenifer Mamabetovanıñ «Vatanımnıñ adı Qırımdır!» adlı şiirler kitabı da taqdim etilecek. Belli ki, mezkür kitap bu yıl İngilterede rus ve ingliztillerinde neşir etilgen edi. Kitaptan yer alğan eserler sürgünlik ve Vatan sevgisi mevzularını aydınlata. Kitapnıñ inglizce versiyasını belli ingliz şairi ve dramaturgı Devid Uilyam Perri azırladı.

Böyle nufuzlı halqara tedbirde Qırımnıñ temsilcisi birinci kere iştirak ete. Istidatlı qalem saibi Lenifer Mamabetovanıñ kitabı ve onıñ taqdim merasimi Avropada ve onıñ tışında qırımtatar halqınıñ meselesini bir daha ögge sürecek ve keniş halqara cemaatçılıqnıñ diqqatını celp etecektir.