INTERPOL REFAT ÇUBAROVNI ARAMAQTAN VAZGEÇTİ

Kırımınsesi(Qırım)

 Ukrainanıñ İçki İşler naziri Arsen Avakovnıñ bildirgenine köre, INTERPOL Qırımtatar halqı Milliy Meclisiniñ reisi Refat Çubarovnı aramaqtan vazgeçti. « INTERPOL Rusiyeniñ talabına binaen aranması kerek olğan Refat Çubarovnı aramaqtan vazgeçti. Çünki mezkür talap şu teşkilatnıñ nizamnamesine zıt kele» – dedi A. Avakov. Ukrainada INTERPOL milliy merkezi bürosınıñ başı Kirill Kulikov bildirgeni kibi, Ukraina halq deputatı Refat Çubarov Rusiye territoriyasına kirgen taqdirde bazı problemlernen rastkele bile, ama başqa ülkelerde onı, elbette, kimse tevqif etmez. Şunı hatırlatmaq kerek ki, keçenlerde Qırım Cumhuriyetindeki FSB (Rusiye Federal Havfsızlıq Servisi) idaresi Refat Çubarov ‘devletniñ territoriyal bütünligini bozmağa areketler yapqanı içün’ ona qarşı cinaiy iş açqan