Kırımınsesi(Qırım)
Qırımnıñ eñ belli ressamlarından biri Mustafa
Murtazayevdir. 27 yaşlı Mustafa saqt bir adam, onıñ elleri yoqtır.
Buna baqmada doğma istidat sahibi olğan Mustafa artıq 500-den ziyade resimniñ müellifi ola.
Mustafa Taşkentte dünyağa keldi. Beş yaşında olğanda ailesinen Qırımğa
avuşıp, Aluştağa bağlı Üsküt (Privetnoye) köyünde yerleşti. Rassamnıñ ayqanına köre, o, balalıqta başta qalemnen yazmağa degil de, qarandaş ya da
fırçınen resim yapmağa ögrendi. Onıñ ressamlıqqa olğan
avesi ketken sayın artqına içün o, Aluştadaki Balalar ressamlıq mektebine
oqumağa kirdi. Ondan sonra Aqmescitte Samokiş adına ressamlıq oquv yurtunı ve
Tasviriy sanat milliy akademiyasını da muvafaqiyetnen bitirdi.
Mustafanıñ fikirince, aqiqiy ressamğa eñ-evela eller degil de, göñül ve ğayret kerektir.
Aqiqiy ressam hekim kibi – öz eserleri ile insannı kinden ve ümütsizlikten
tedaviy ete bilir. Bir çoq sergilerniñ iştirakçisi olğan
Mustafanıñ bazı eserleri alman, ingliz, kanadalı, kubalı, rus ve
ukrain kollektsiyacıları tarafından da edindi. Mustafa çeşir adamlarnıñ portretlerini yapa, bir çoq resimleri Qırımnıñ tabiat manzaralarını
da mahirane aks ettire.
0 yorum:
Yorum Gönder
Lütfen konuyla alakalı yorumlar yapın. Kırımın Sesi