Qırım – Kırımınsesi
Qırım cumhuriyeti Adliye nazirligi bildirgeni kibi, soñki vaqıtta Qırımda aile qurğan gençlerniñ sayısı qat-qat arttı. Misal içün, keçken sene Qırımda 17 417 aile quruldı. Bu, soñki on yıl içinde qoyulğan ilk rekord sayıla.
– Qırımda nikâh qıyğanlarnıñ sayısı artmaqta. 2015 senesi içinde yarımadada 25-34 yaşında olğan 6 576 erkek ve 5 387 qadın aile qurdılar. Bu, evelki yıllarğa köre rekorddır, - dep haber ete Adliye nazirliginiñ matuat hızmeti.
Lâkin, bu rekord Qırım akimiyeti içün baş ağrısına çevirile bile. Çünki Qırımda doğulğan balaçıqlarnıñ sayısı da artmaqta.
Bir çoq şeer ve qasabalarda ise balalar bağçası (kreş) yetişmey. Meselâ, yalıñız Yalta şeerinde balalar bağçasında boş yer olmağanı 6 biñ bala nevbette tura. Bir çoq balalar bağçağa barmadan, beş-altı yaşında doğrudan mektepke baralar.
0 yorum:
Yorum Gönder
Lütfen konuyla alakalı yorumlar yapın. Kırımın Sesi