Qırım(Kırımınsesi)
Aqmescitte İsmail Gaspralı adına cumhuriyet qırımtatar kütüphanesinde belli jurnalist ve tarihçı İbraim Abdullayevge bağışlanğan hatıra aqşamı olıp keçti.
Çoq yıllar devamında ‘Golos Krıma’ (‘Qırım sadası’) gazetasının yeteki jurnalisti olğan İbraim Abdullayev Qırımnın tarihi ile bağlı çoqtan-çoq maqale ve tedqiqatlarnıñ hem de Seid oğlu Seydametke bağışlanğan ‘Taraqtaş faciası’ adlı monografiyanın müellifidir. Keçken sene oktyabr ayında İbraim Abdullayev 55 yaşında vaqıtsız vefat etti. Kütüphanede toplaşqan adamlar – merhumnıñ meslekdeşleri, ocalar, sanatkar ve yazıcılar İbraim Abdullayev ğayet oqumış, samimiy, mütevazi ve temiz yürekli insan, halqımıznın vatanperver evladı olğanını qayd etip, onın yapıp yetiştirgen işleri unutılmaycağına, tedqiqat işleri halqqa daha çoq hızmet etecegine eminlik bildirdiler.
0 yorum:
Yorum Gönder
Lütfen konuyla alakalı yorumlar yapın. Kırımın Sesi