Kırımınsesi(Qırım)
Bundan yetmiş yıl evelsi alman askerleri Qırımnı işğal eterek, bir çoq qırımtatar köylerini (tahminen 130 köyni) harap etkenler. Bağçasaray bölgesindeki Ulu-Sala köyü de viran etilgen. 1943 senesi dekabr ayında Ulu-Sala köyünde 215 adam duşmanlar tarafından tirileyin yaqıldı. Olarnıñ çoqusı qırımtatarlar edi. Bu künlerde Qırımda Ulu-Sala faciası qunbanlarınıñ hatırasını ebediyleştirmek içün bir sıra tedbirler ötkerilmekte.
"Teşebbüs" teşkilâtı ve cemaatçılıq Qırım Devlet Şurasına muracaat eterek, dekabr 21 kününi Ulu-Sala köyü faciasınıñ hatıra künü olaraq ilân etilmesini teklif ettiler. Bugün ise Aqmescitteki Qırımtatar tarihiy-asabalıq müzeyinde Ulu-Sala faciasınıñ 72 yıllığına bağışlanğan hatıra tedbiri olıp keçti. Tedbirde bu facia aqqında vesiqalf film numayış etildi.
Ziyalılar, tarihçılar ve cemaat vekilleri çıqışta bulunaraq, cenk qurbanları unutılmamaq, olarnıñ hatırası ebediy yaşamaq kerekligini uruğuladılar.
0 yorum:
Yorum Gönder
Lütfen konuyla alakalı yorumlar yapın. Kırımın Sesi