Aqmescit ve Qırım yeparhiyası, Qırım musulmanları diniy idaresine Dağıstan Cumhuriyetinden bahşış olaraq birer generator ketirildi. Ediyeni Dağıstan ükümetiniñ Qırımdaki temsilcisi İlyas Taymurov teslim etti Ediyeni Müfti muavinleri Ayder İsmailov ve Esadullah Bairov qabul ettiler.
Qırım Müftisi hacı Emirali Ablayevniñ adından qardaş dağıstanlılarğa teşekkürler bildirdiler. Aytqanlarına köre, Dağıstannen qaviy bağlar pekitildi, işbirlikte medeniy leyihalar ömürge keçirile, Qırım boyunca camilerniñ tamiri ve qurucılığı alıp barıla.
"Qırımdaki musulman qardaşlarnen beraber pravoslav kilsesine yardım qolunı uzatmağa qarar alğanlar eyi bir iş yaptılar. Bu pek müim. Menimce, Qırım cemaatçılığı buña kerekli kibi qıymet keser", - dedi Müfti muavini Ayder İsmailov.
Dağıstan vekilleri ediye etken generatornı Müftiyat hadimleri yüksek islâm ilimleri Qalay medresesine alıp ketecekler, yarıq söndürilgeni sebebinden medresede eki aftağa oquş toqtatılğan edi.
0 yorum:
Yorum Gönder
Lütfen konuyla alakalı yorumlar yapın. Kırımın Sesi