AQMESCİT ŞEERİNİÑ TARİHINA BAĞIŞLANĞAN SERGİ

Kırımınsesi(Qırım)

Dekabr (aralık) 9 künü Qırımda Qırımtatar tarihiy-asabalıq muzeyinde ‘Aqmescit-Simferopol. Keçmiş zaman saifeleri’ adlı sergi açıldı. Aqmescit şeeriniñ tarihını fotoresimlerde aks ettirgen serginiñ açılışında muzey müdürinin muavini Nuriye Gemici, bölük müdüri Ayşe Memetova ve müsafirler çıqışta bulundılar.
Sergi zalından yer alğan onlarce eski fotoresimler Aqmescitniñ esasen XVIII–XX asırlarğa ait mimarlığı ile tanış eteler. Mesela, resimlerden birisinde Qırımda 1508 senesi qurulğan beyaz mermerli caminiñ resimi taqdim etile. Mütehassıslar şeernin adı aynı bu caminin adından kelip çıqqanını tahmin eteler. Bundan ğayrı sergide artıq yoq olğan Tokal cami ve Valide Şerif camisiniñ fotoresimleri de numayış etile.
Serginiñ bir qısmı da Aqmescitnin meşhur sakinlerine bağışlanğan. Bu yerde Aqmescit hayriye cemiyetiniñ reisi İsmail Mufti zade, onıñ refiqası Sayde Mufti zade ve başqa mırzalarnıñ fotoresimleri bar. Bu resimlerden bazıları ilk kere sergige çıqarıldı.