Qırımtatar sportçılarınıñ büyük ğalebesi (Bilek Güreşi)

Kırımınsesi(Qırım)

Bu künlerde Qırımnıñ paytahtı Aqmescit şeerinde armsport (bilek küreşi) boyunca çempionat ötkerildi. Çempionatta Qırımnıñ çeşit bölgelerini temsil etken 250 sportçı iştirak etti.

Qırım çempionatında ğalipler sırasında genç qırımtatar sportçıları da bar. Sudaq şeerinden Ruslan Nurmambetov, Emran İbraimov ve Mavile Nazimova, Qurman bölgesinden Seyran Zakiryayev yarışmalarda ğalebe qazanıp, altın medalnen mukâfatlandılar. Çempionatta olardan büyükçe yaştaki sportçılar arasında Saq bölgesinden Ruslan Zinedinov, Aqmescitten şeerinden İbraim İbraimov ve Rasim Memet de birincilikni aldılar. 

Eñ küçlüler arasında ciddiy ğalebe qazanğan qırımtatar sportçılarını can-göñülden hayırlaymız! Ardı gür olsun!