Kırımınsesi(Kırım)
Bu künlerde Birleşken Arap Emirlikleriniñ paytahtı - Abu-Dabi
şeerinde belli qırımtatar ressamı Ramazan Useinovnıñ şahsiy sergisi numayış
etilmekte.
‘Şarqtan esken rüzgar’ adlı sergide
ressamnıñ çeşit yıllarda yapqan ve Vatan sevgisi mevzusına bağışlanğan manzara
resimleri taqdim etile. İstadatlı ressamnıñ özgün eserleri bir çoq sanatsever
adamlarnıñ diqqatını celp etti.
Abu-Dabiniñ ‘N2N Gallery’galereyasında teşkil
olunğan mezkür sergi noyabr (kasım) ayınıñ 19-na qadar devam etecek.
Ramazan Useinov 1949 senesi Özbekistannıñ Samarqand şeerinde
dünyağa keldi. Taşkentte Cumhuriyet Ressamlıq oquv yurtunu bitirdi. 1993
senesinden itibaren Vatanı Qırımda yaşay. Bir çoq halqara sergilerniñ
iştiralçisi olğan Ramazan Useinovnın eserleri Özbekistan, Amerika, Türkiye,
Rusiye, Ukraina, Almaniya ve diger ülkelerdeki muzeylerde hem de hususiy
kollektsiyalarda saqlana. Bundan bir qaç yıl evelsi Ramazan Useinov Türkiyede
keçken halqara sergide eñ yahşı ressam olaraq tanıldı ve TÜRKSOY mükafatınıñ
sahibi oldı.
0 yorum:
Yorum Gönder
Lütfen konuyla alakalı yorumlar yapın. Kırımın Sesi