Qırım müsülmanları terornı taqbih ettiler

Kırımınsesi(Qırım)

Qırım müsülmanları diniy idaresi ve şahsen Qırım müftisi hacı Emirali Ablayev yaqında Beyrutta ve Parijde yüz bergen qanlı teror hareketlerinikesen-kes taqbih etti ve elâk olğanlarnıñ qorantalarına teren taziyeler bildirdiler. - Livandaki Beyrut şeerinde eki terakt aqibetinde 40 adam, Parijde ardı-sıra yüz bergen bir qaç terakt neticeisinde 127 adam elâk oldı. Bu adamlar dünyada tınçlıqnı bozğan, insaniyetlikke qarşı yapılğan areketlerniñ qurbanları oldılar. Cinayetçiler siyaset, din ve diger şeylerden sebep bütün dünyanı qozğata ve yapqanları da hiç bir türlü aqlanuvğa lâyıq degiller. Teraktlarnı kim yapsa yapsın, amma olarnıñ Allahnıñ emirlerinen bir türlü alâqaları yoq, areketleri ile umuminsaniy, ilâhiy dinlerniñ qanun-qaidelerini ayaq astına alalar. Çeşit din vekilleri birleşip, terrorizmniñ tarqalmasına yol bergen caillik, zulum, açıq ve közge körünmegen basqı, adaletsizlikke qarşı çıqmalılar! İnanamız ki, qabaatlanğanlar cezalanacaqlar. Ölgenlerise Allahnıñ rahmetine qavuşmaları içün dualar etemiz, - den beyan etti Qırım müftisihacı Emirali Ablayev