Professor, ilim doktorı Kemal Özcan ‘QIRIM TÜRKLERGE GENOTSİD QULLANILDI’

Professor, ilim doktorı Özcan, “Ayvan vagonlarğa mindirilip vatanlardan sürgün etilgen 423 bin qırımtatar türkler tarihniñ eñ büyük genotsidine oğradilar. Qadınlar ise edeplerden dolayı çatlap can berdiler” dedi.
Qırımnıñ Ukrayinada olğanını afzal körgeniñi belgilegen tarihçi Özcan: “Türkiyeniñ Qırımda, tek qırımtatar türklerden başqa bir bağı qalmadı. qırımtatarlar ise, Qırımoğlunıñ reberiyetinen ruslarğa qarşı mücadele etmeden vatanıñı terk etmezler”.
Necmettin Erbakan universiteti içtimaiy ve gumanitar ilimler fakulteti tarih kafedranı müdiri professor, ilim doktorı Kemal Özcan, Qırım zulumını tarihiy, siyasiy, insaniy ve içtimaiy ceetlerni birlikte esapqa alıp “Qırımdan sürgün etilgen Qırım türklerine büyük bir genotsid qullanıldı” dedi.
Qırım hanlar tarafından qurulğan Altın Ordu Devletiniñ parçalanmasınen birlikte Qırımda, hanlıq zamanınıñ başlağanıñı ve bu hanlarıñ da rus aqınlarınen tarih sanasından yavaş-yavaş çekilgenlerini añlatqan Doç. Dr. Kemal Özcan, tarihte 93 Arbi olaraq keçken Rus-osmanlı cenkinde Osmanlı devletiniñ yeñilüvı ve yapılğan Kiçik Kaynarca añtlaşması, Qırımğa muhtariyet berilmesi Rusiyenıñ soñradan Qırımnı akimiyet altına almaq içün bir atlama taşı olğan. Nitekim Rusiye bu añtlaşmanıñ imzalamasından 9 yıl soñra Qırımnı topraqlarğa qoşıp Qırım elden çıqqan” dedi. Em Çar devrinde em de 17 oktâbr İnqilâptan soñki Şuralar Sotsialistik Cumhuriyetler Birligi (ŞSCB) zamanında Qırım türkleriniñ mücadeleleri ile sürgünlerini de belgilegen Özcan, Lenin zamanında, Veli İbrahimov reberiyetinen Qırım şura sotsialistik muhtar vilâyeti qurulğanını, faqat Qırımıñ Stalin zamanında daa çabik bir şekilde slavlamağa başlanğanını qaydetti. 1783s. Qırım yarımadasında 1 million 800 bin Qırım türk nufusunıñ cenk ve köçlerle birlikte 284 bine qadar azlaşmasına işaret etken Özcan, 1937-40 yıllarda koreyalılar ile lehleriñ, 1943s. Karaçay türkleri, çeçen, inguş ve ahıska türkleriniñ vatanlarından sürgün etilgenleriñi hatırlattı.
QIRIM TÜRKLERİNİÑ SÜRGÜNÜ

Qırımtatar türklerniñ sürgünlerniñ 18 mayıs 1944 sene gece saat 3.00 başlağanıñı ve şura raqamlarına köre, kendi vatanlarından sürgün etilgen qırımtatarlarnıñ sayısınıñ 180 bin, qırımtatar diasporasınıñ raqamlarına köre ise asıl sayınıñ 423 bin olğanını bildirgen Özcan, “Stalin zamanıñda qırımtatarlarnı bir gecede qadın, qart, bala-çağa demeyip ayvan vagonlarğa mindirip Özbekistanğa sürgün ettiler. Çoqusı bu sürgünde vagonların içinde ve demir yollarında qırıldılar. Vagonlarda edeplerinden dolayı ayaqyol ihtiyacını yapamağan qadınlar ise çatlap ölgende qartlar ile balalar baqımsızlıq, hastalıq ve açlıqtan qırıldılar. Ölülerni bile kömmemegen qırımtatar türkleriniñ büyük bir qısmı da, 15 kün sürgen tren seferi soñunda kelgenler Özbekistanda ev, iş ve aş bulmağanlarından dolayı ayvan ahırlarda, qazılğan topraq çuqurların içinde üzerlerine muşamba örtüp yaşamağa mecbur bıraqılıp hastalıqtan qırıldılar. Şimdi buna genotsid denmez de ne denir?” dedi.
MÜCADELE YILLARI VE CEMİLOĞLU

Qırımtatarlarınıñ ev, iş yeri ve tarlalarnıñ buralarğa yerleştirilgen slavlar tarafından yağmalanğanıñı añlatqan tarihçi Özcan, ““Atta tirileri kibi ölüleri de çıqıp ketsinler’ degen ruslar tarafından qırımtatar mezarları çaypala. Mezar taşları bina quruluvına qullanğanda cesetleri de orta yerge atıla edi” dep qonuştı.
Qırımtatarlarğa başta qorqudan saip çıqmağan özbeklerin, daa soñra iş ve aş verip qirimtatar qadınlarnen evlenip balalarına saip çıqqanlarını tile ketirgen Özcan, Qırım türkleriniñ mücadelesiniñ bundan soñra başlağanıñı ve “kiçik dev adam” olaraq kimligi tasvirlengen Mustafa Cemiloğlunıñ Genç Tatarlar Birligini qurğandan soñra apishanege atılğanını ve Moskvanıñ merkezinde Cemiloğlu reberiyetinen yapılğan mitingden soñra 1989 yılında Qırımtatar türklerge anavatanğa qaytmaq izni çıqqanını söyledi.
TATARLAR VATANINI TERK ETMEZ

Qırımda 1990 yılında 83 156 qırımtatar nufusınıñ 1995 yılında 200 bine barğanıñı ve 2014 yılında bu sayınıñ 350 bine yaqın olğanıñı ifade etken Özcan, “Qırımtatarlar mal barlıqlarını alamadılar. 4-5 m2 baraklar yapıp anda zor şartlar ve basqılar altında yaşamağa başladılar. Tatarlar şimdiki vaqitta bile lâyıq olğan ve aq etken aqlarğa saip olamadılar. Ukrainağa bağlı bir muhtar vilâyet olaraq qalğan Qırım, Ukrainanıñ bölünmesinen birlikte Rusiyege qoşuldı. Ukrainanıñ şarqı ortodoks, ğarp ise katolik ve bir birlerini asla sevmezler. Ruslar ukrainlarnı aşalamaq içün “hahol”, ukrainlar da ruslarğa aşalamaq içün “maskal” deyler. Ruslar türklerni aşalamaq içün de Cengiz Hanğa “tatar” degenler. Tatar ismi de andan kelgen” dedi.
Özcan ayrıca, Qırımın Ukrainada olğanını doğru sayğanıñı belgilep qonuşmasını şu sözlerle bitirdi: “Türkiyeniñ Qırımda, tek qırımtatar türklerinden başqa bir bağı qalmadı. Qırımtatarlar, Mustafa Abdülcemil Qırımoğlunıñ reberiyetinen ruslarğa qarşı mücadele etmeden vatanıñı terk etmezler.”