KIRIM'DA HUTBE QOLAYLAŞTIRICI OLMAQ

QOLAYLAŞTIRICI OLMAQ

بِسْمِ اللّٰهِ الرَّحْمٰنِ الرَّحِيمِ يُرِيدُ اللّٰهُ بِكُمُ الْيُسْرَ وَلاَ يُرِيدُ بِكُمُ الْعُسْرَ

Aziz cemaat!

Dinimiz, belli esaslarnı keçmemek şartınen, bizlerden qolaylaştırıcı olmaqnı talab ete. Yoqsa qıyınlaştırıp, insanlarnın ayatlarını yaşanmaz alğa tuşürülmesini istemey. Bu munasebetnen alimlerimiz tarafından bu qpolaylaştırıcı ukümlerden faydalanmaq er kesge tevsiye etilgen. Peyğamber efendimiz (a.s.) aytqanı kibi: «Qolaylaştırınız, zorlaştırmanız. Mujde beriniz, nefret ettirmeniz . Birleşiniz, ayrılıqqa tuşmeniz» (Muslim).
Ama, elbette, bir işte qolaylıqnın olması içün belli şartlarnın ve sebeplernın olması kerek. Alimlerimiz belgilegeni kibi, qıyınlıqlarnı qolaylaştırğan sebepler yedidir:
1. Yolcılıq. mesela, yolcu kimse dört rekatlı namazlarını eki rekat olaraq qısqartıp qıla. Orazalı kimse yolcu olsa, o kun oraza tutmay bile, ama başqa kunde qazasını tutar.
2. Hastalıq. Mesela, hasta kimse ğusul alacağında, sağlığına zarar kelecek olsa, teyemmum alması yeterlidir. Yada hastalıq sebebinen toşeginden turalmağan kimse, yatıp namazını qıla bile. 3. Zorlav. Mesela, bir kimse dininden çıqması içün zorlansa, olüm tehlükesi içinde olsa, yüreginde musulman qalmaq şartınen tilinen dinden çıqqanını aytmasına ruhset bar.
4. Bilgisizlik. Dinimizde bir adam evini, bostanını yada bağçasını satmağa istegende, evela, qomşusına haber etmesi kerek. Çünki bu aq evela qomşunın aqqıdır, buna «Şuf’a» aqqı deyler. Eger de qomşu bostannın satılğanından habersiz olsa, haber alğan son, bu aqqını qullana bilitr ve, hatta, kerek olsa, bu meselenen qadığa muracat ete bile.
5. Ağır vaziyet. Mesela, ticaret içün uzaq yerge ketken birqaç kimseden biri yolda vefat etse, yaqınlarınen de bağlanmağa imkan olmasa, yolcılıqta beraber olğan kimseler, vaziyetnin qıyınlığından, onın mallarını satarlar ve, qaytqan son, aqçasını qorantasına bererler.
6. Umumiy belva. Yani, qorçalanması qıyın olğan ve her keske tesir etken allar, bela ve musibetler. Mesela, evlerimizde her vaqıt yaşağan mışıq ve sıçanlardan qorçalanmaq qıyın olğanı içün, pislikleri mekruh olmaqnen beraber «umumiy belva» sebebinen temiz sayıla. 7. Naqız. Yani, bir sıqıntı veya qıyın vaziyetten dolayı asıl usulnın tersine bir şey yapmaqtır. Mesela, bir mal alğanımızda, asıl usulğa kore, başta mal, sonra da aqçanın berilmesi kerek. Ama qıyın allarda, adamnın aqçağa ihtiyacı olğanda, alimlerge kore, başta aqçanı alıp, sonar malnı ketirmek mumkün. Boyle bir satışqa fıkıhta «Selem» yada «Selef» usulı satış dep aytıla. İşte, anlaşılğanı kibi, dinimiz İslam qolaylıq dinidir. Sevimli Peyğamberimiz (а.s.) boyle buyurğan edi:
«Din qolaylıqtır.Kim onı qıyınlaştırmağa tırışsa, yenilir. Bunın içün orta yolnı tutınız ve dinni (qoyğan qaidelerini) en guzel şekilde uyğulanız» (Buhari).
Hutbemni başındaki ayetnin manasınen yekünlemege isteyim: «Allah sizler içün qıyınlıqnı degil, qolaylıqnı tiley» («Baqara» süresi, 185).
Rabbim qıyınlaştırıcı degil, qolaylaştırıcı olmamıznı nasib etsin.

Amin!

Devamını Oku

QIRIMDA HUTBE:İÇKİ HER BELANIN ANASIDIR

İÇKİ HER BELANIN ANASIDIR

بِسْــــــــــــــــــمِ اللّٰهِ الرَّحْمٰنِ الرَّحِيم يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالأَنْصَابُ وَالأَزْلاَمُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ

Qıymetli musulmanlar!

Sevgi ve merhamet dini olğan islam beş şeyni – aqılnı, cannı, nesilni, malnı ve dinni qorçalamağa esas ala. Bularnı elal yollarda qullanılmasını farz ete, bu degerlerge bir de bir şekilde zarar berilmesini yasaq ete. Dinimiz insannın dunyada ve ahirette bahtlı olmasını esas ala.
Buna kore de , qoranda ve cemiyette davalarğa, raatsızlıqlarğa yol açqan, raqı ve sigaretnen başlap, insannın aqlını, yüregini ve bedenini bozğan butün zararlı maddelerni yasaq etken.
Butün insanlarnı, hususan, balalarımıznı, yaşlarımıznı sigaret, raqı, afyon ve başqa alışqanlıqlarğa alıp barğan zararlı şeylerden qorçalamaq er bir musulmannın vazifesidir. Balalarımıznı bu yaramay alışqanlıqlarğa alıp barğan sebepler arasında qoranta içindeki munasebet eksikligi, sevimsizlik, şiddet, horlav, yanlış arqadaş saylavı kibi faktorlar bar.
Bala yetiştirilmesinde ihmal etilgen vazifeler yaşlıqta yuqarıda anılğan yamanlıqlarğa sebep ola.
Balalarımıznı boyle yaramay alışqanlıqlardan uzaq tutmaqnın en tesirli yolu – qorantada vazifelerimiznin farqında olmaq ve olarnı tolusınen yerine ketirmektir. Sevimli Peyğamberimiz (а.s.) bir hadisinde içki aqqında boyle buyurğan edi: «Allah Teaala içki içkenge, içirgenge, onı alıp satqanğa, yapqanğa, saqlağanğa, taşığanğa, ozüne alıp barğanğa ve aqçasını aşağanğa lanet etti» (İbn-i Mace).

Aziz Cemaat!

Dinimiz İslam yaramay ve zararlı şeylerni yasaq etti. Haram etilgen şeyler de bus-butün haramdır. Yani, domuz aram qılınğan olsa, istisnasız, her yeri aramdır. Bir de aram etilgen şey az da olsa, çoq da olsa, ep bir aramdır. Mesela, raqı aram qılınğan olsa, az içilse de, ep bir aram sayıla. Yani haramnın az olması aram olğan şeyni aramlıqtan çıqarmay, onın bir qısmını elal etmey. Hutbemni başında oquğan ayetimnin manasınen bitirmege isteyim. Yüce Mevlamız Qur’an-ı Kerimde boyle buyura:
«Ey iman etkenler! içki, qumar, tiklengen taşlar ve fal oqları ancaq şeytan işi birer pisliktir. Olardan uzaq turınız ki, qurtuluşqa irişirsiniz» («Maide» suresi , 90-nıncı ayet).
25.12.2015

Devamını Oku

KIRIM'DA HUTBE: PEYĞAMBERİMİZNİ ANLAMAQ VE ANMAQ.

PEYĞAMBERİMİZNİ ANLAMAQ VE ANMAQ.

بِسْمِ اللّٰهِ الرَّحْمٰنِ الرَّحِيمِ قُلْ إِنْ كُنْتُمْ تُحِبُّونَ اللّٰهَ فَاتَّبِعُونِي يُحْبِبْكُمُ اللّٰهُ وَيَغْفِرْ لَكُمْ ذُنُوبَكُمْ وَاللّٰهُ غَفُورٌ رَحِيمٌ

Sayğılı cemaat!

Bir yürekte birden çoq ten sevgi olmay. Bunın içün, en buyuk ve en birinci sevgi Yüce Yaratıcımızğa nisbeten olğan sevgi olmaq kerek. Onın tışındaki butün sevgiler fani ve keçicidir.
Allah sevgisine irişmeknin yolu ise, Onın sevgen kimselernin yolundan ketmektir. Olarnı ozümizge yol rehberi yapıp, olarnın yolını taqıp etmektir.Numüne rehberimiz, evela, Peyğamber efendimizdir. Allahtan son, en çoq onı sevmek ve onın yolını taqıp etmeknen emrolundıq.
Oz nefislerimizni Allah ve Peyğamber içün daima feda etmege azır olmaq kerekmiz. Çünki bu nefsnı bizge bergen Allahtır, ve kene de Allah onı bizlerden cennet qarşılığında satıp aldı. Qur’an-ı Kerim bunı boyle bildire: «Şube yoqtır, Allah, Mu’minlernin canlarını ve mallarını cennet qarşılığında satıp aldı» («Tevbe» suresi, 9/111). Başqa bir ayette Yüce Mevlamız bizlerge boyle buyura: «Mu’minler içün Peyğamber, oz canlarından daa yaqındır, onın qadınları da, olarnın analarıdır» («Ahzap» suresi, 33/6). Peyğamber Efendimiz bu mevzunen bağlı bir hadis-i şerifinde boyle buyurğan: «Sizlerden biriniz, meni ana-babasından, balalarından ve butün adamlardan daa çoq sevmeden, (aqıqıy) musulman olmaz» (Buhariy, Muslim). Sahabeler onın arqasından kettıler, onen beraber er zorlıqqa dayandılar ve ayağına bir tikennin bile kirmesine razı olmadılar. O, bizlerge ayatnın er alanınen bağlı hususlarnı anlatıp kosterdi.
Allah ondan, sahabelerinden ve onın arqasından ketken er kesten razıdır. Bunın içün, eger de Allahnın bizlerden de razı olmasını istersek, Bizler de olarnın arqasından ketmek kerekmiz.

Sayğılı musulmanlar!

Peyğamberimizni sevmek imanın temel esaslarındandır. Allah onı bizler içün sayladı ve terbiye etti. En yahşı ahlaqqa saip etip, adamlarğa rehberlik yaptırdı.
Peyğamberimiz (a.s.) daa balalıqta anasız ve babasız qaldı. Mekkedeki baylarnın qoylarını baqtı ve bir vaqıt emanetke hıyanetlik yapmadı. Peyğamber olğan son onı korgen kimer adamlar endişeden qaltıramağa başlay ediler. Olarnı sakinleştirmek içün, Peyğamberimiz (s.а.v.): «Qorqma, men quru otmek aşağan qadınnın oğluman», – dep, olarnı sakinleştire edi.
Boyle mubarek bir Peyğamberge ummet olğanımız içün Allahqa binlerce şukürler olsın. Asırlardan berli anlatılıp, aqqında binlerce kitaplar yazıldı ve, inşallah, yazılmağa devam etecek. Bu munasebetnen «Men musulmanım» degen er kim onın ve sahabilerinin ayatlarını ogrenip, arqalarından ketmesi kerek. Hutbeni başında oquğanım ayetnin manasınen. Yüce Mevlamız Qur’anı Kerimde boyle bildire: (Peyğamberim, boyle) ayt: «Eger siz Allahnı kerçekten seve olsanız, mağa uyun, Allah da sizlerni sever ve gunahlarınıznı bağışlar. Allah gunahları bağışlağan ve çoq merhametli olğandır» («Ali İmran» suresi, 3/31).
Rabbim bizlerni bu yüce peyğambernin yolundan ayırmasın ve qıyamet kunü onın havz-ı kevserinden suv içmege nasib etsin !

Devamını Oku

QIRIM'DA BU HAFTAKİ HUTBE: MESTLER ÜSTÜNE MEST

Mestler üstüne mesh

بِسْــــــــــــــــــمِ اللّٰهِ الرَّحْمٰنِ الرَّحِيم يُرِيدُ اللّٰهُ بِكُمُ الْيُسْرَ وَلاَ يُرِيدُ بِكُمُ الْعُسْرَ

Urmetli cemaat!
Dinimizde, abdest alınğan vaqıtta, asıl olğan – ayaqlarnın yuvulmasıdır. Bu –Qur’an-ı Kerimde, «Maide» suresinin altıncı ayetinde açıqtan-açıq anlatıla. Abdest alınğanda, ayaqlar topoqlarğa qadar mutlaqa yuvulacaq. Ayaqlarında bir iğne ucu qadar quru yeri qalğan kimsenin abdesti sayılmaz. Abdest alğanda, tabanlarnı yahşı yuvmağan kimsege Peygamber efendimiz (a.s.): «Ateşte yanacaq tabanlarğa yazıqlar olsun!» – dep buyurğan edi. Bunen beraber, dinimiz bazı qıyın allarda bizlerge qolaylıqlar bergen. Bu qolaylıqlardan biri de – «mestlerdir».
Mestler ustüne mesh etmek, şeriatımızğa kore, hem aqay, hem qadınlar içün, ruhset berilgen bir qolaylıqtır. Bu qolaylıq yolcu olmağan kimseler içün yigirmi dört saat, yolculuqta olğan kimse içün ise, uç kun, uç gecedir.Peyğamber efendimiz (а.s.) bu hususnı bir hadisinde boyle bildirgen: «Evinde olğan kimse bir kun, bir gece, yolcılıqta olğan kimse de, uç kun, uç gece mesh etebile» (Muslim). Şeriatnın temin etken bu qolaylıq Yüce Mevlamıznın bizlerge olgan rahmet ve merhametinin bir eseridir. Bunın içün, bu qolaylıqnı qabul etip, ayaqlarımıznı sıcaqta tutaraq, ozımıznı hastalıqlarğa qarşı qorçalamaq kerekmiz. Mest – teri, yün, kiyiz kibi şeylerden tikilip, qolaylıqnen suv keçirmegen ve ayaqlarnı, topuq mafsalı kemiklerini qapatacaq qadar uzun olğan qalın çoraplar yada ayaqqaplardır. Mesh ise, şeriatımızda, abdest alınğan vaqıtta, ayaqlarnın yuvulması yerine, daha evvel abdestli bir alnen kiyilgen mestlernin ustünı, sılaq elnen sürtmek demektir. Mestlernin üst qısmı mesh etile (sürtile). Surtilmesi kerek olğan miqdar – ellerimizdeki üç kuçük parmaqnın uzunlığı ve kenişligi qadar yerdir.

Muhterem mu’minler!
Mestleri olğan kimse, evela, mestlerini kiymeden evvel, abdest alması kerek, yani mestler, yuvulğan ayaqlar ustüne kiyilir. Bundan son, abdesti bozulsa ve kene abdest almağa niyetlense, sılaq elnen, ayaqlarını yuvmadan, ayaq parmaqlarından başlap, töpege doğru mesh eter.
Yolcu degil ise, abdestini yigirmi dört saat bu şekide alır.
Yolcu ise, bu ruhset üç kun, üç gece devam eter. Meshnin bir de bozulğan alları bar.Yani mest ustüne mesh etilmesi mumkün olmayıp, ayaqlarnın tekrar yuvulması kerek olğan vaqıtlar. Mesela, bir mestnin ustünde üç kuçük parmaq qadar teşik olmamaq kerek. Olsa, bu mesh bozulır. Mestler ayaq topuqlarını qapatması kerek, olar ayaqta tuşmeycek şekilde oturması kerek. Eger mestlernin birisi ayaqnın yarısına qadar çıqsa, meshnin ukümı bozulır. Aynı şekilde, mesh muddeti bitkende, mestlerni çıqarıp, ayaqlarnı, tekrar abdest alınğanda, yuvmaq kerek.
Bir de, ğusul almağa kerek olğanda, mestlernin ukümı biter ve ayaqlarnın yuvulması kerek olır.
Hutbemni başında oqudığım ayetnin manasınen bitirmege isteyim:
«Allah sızler içün qıyınlıqnı degil, qolaylıqnı istey» («Baqara» 185).

Devamını Oku

VATAN KIRIM’DA CUMA HUTBELERİNİ QIRIMTATAR DİLİNDE YAYINLAYACAĞIZ

Kırımınsesi bu haftadan itibaren Vatan Kırım’daki Cuma hutbelerini siz okurlarına Qırımtatar dilinde yayınlayacaktır.

Devamını Oku

Safure Kadjametova Qırımtatar Halkını bır arada tutqan DUA’dır

Kırımınsesi(Qırım)

Vatan Qırımda yaşagan pek kıymetli ocamız Safure Kadjametova Kırımınsesi gazetasına ayttı :Biz balalığımızdan korgen şeyimizni etip kelemiz. Sürğünlik devrinde qırımtatarlar içün er şey yasaq olğanına baqmadan, buyuklerimiz duadan olü-tirilerni qaldırmay ediler. Nişantoy duası, kelintüşti duası, bala doğğanda Beşiktoy duası, Curt duası, Şukür duası, Kozaydın duası. Kemlik duaları-yanı evden mevta çiqqanda ona bağışlap berilgen dualar... Ve yılda bir qaç kere cemiy mevtalarğa bağışlap dua berile edi.

 Bu dualar komunistler rejiminde bile halqnı öz urf-adetleri muitinde yaşayışnı devam etmege, tilini ve dinini qadrine yetmege, Qırımda qalğan olülerimizni anıp, olarnı duadan unutmamağa imkan bere edi ve soy-sop, cematni birleştire edi. Halq umüt-sabırnen yaşap, 50 yıl degende ana-vatan Qırımğa qayttı... Bu kunleri biz kene Tanrimiznin sınavından keçemiz, halqımız kenede parça -parça dünyağa darqalayata.

Men bellesem boyle vaqıtta, er bir ozüni urmet etken insan - qoranta olsun, cemat içi olsun - tuvğan tilimiz, muqaddes dinimiz, urf-adetlerimizni sayıp-sevip bu duyğularını bala-torunlarına, kelin-kiyevlerine, doğmuşlarına, soy-sopuna ve dost-aqrabağa aşlamaq kerek. Dualarda bu usulnın biridir. Em Allağa dualar oqup olülerimizge rahmet ketiremiz, im tuvğanlarnı uruv olaraq birleştiremiz em nesilimizge ecdatlarımızdan qalğan ananelerimizni devam etmege canlı ornek olamız...

 Menim bergen duamnı sorasanız- rametl anam Munire Derviş aramızdan ayrılğanına 25 sene, babam Hayredin bu dünyadan koz yumğanına 15 sene olganına Quran adadım ve butün olülerimizni - em ozimnin , em qocamnın tarafından isimlerini tek-tek ayttırıp rahmet ketirmege niyet ettim.

 Bu fotolarda siz endi-endi kelip başlağan tuvğanlarımnı koreiz. Allam kop kormesin bu duada tek 4 doğmuşnın bala-torunları -55insan oldıq ve boyle duanı er yılı beremiz, Allah qabul etsin! Yaqınlarimiznın ruhuna -1 quran em 12 qırqlama bağışlandı. Bu doğmuşbalar içi dua, butün soy-sop çağırılsa 200 den ziyade toplana, Rabbimiz irliğimizden, tilimizden, dinimizden em Vatanımızdan ayırmasın, amin!

Devamını Oku

QARASUVBAZAR KÖPÜRLÜ KOYUNUN 300 YILLIQ CAMİSİNİN TAMİR İŞLERİ ÖKTERİLE

Qarasuvbazar rayonı Köpürlikoyuniñ tahminen 300 yıllıq tarihke malik camisinde tamir işleri ötkerile. Bugünki künde, divarlarnı qaba sılavnen örteler, pencereler deñiştirile.
Yıllar devamında dört köy musulmanları içün yekâne ibadethane sayılğan cami harabe alda buluna edi, sakinler binanı tamirlep, mında namazlarnı qılmaq, Quran oqumaqnı arz ete ediler. Bu yılnıñ baarinde cemaat toplanıp, camide tamir işlerini başladı, dam deñiştirildi, pekitildi. 

Qadimiy caminiñ tiklevine, tamırları şu köyden olğan metsenat Valeriy Kerimov büyük diqqat ayıra. Onıñ yardımı sayesinde musulmanlar caminiñ qapuları eñ yaqın vaqıtta açılacağına ümüt besleyler. Qırım ve Sevastopol musulmanları diniy idaresi oña büyükten-büyük teşekkürler bildire. 

Qırım Müftiyatı musulmanlarnı lâqayd qalmamaq ve hayırlı işke qoşulmağa çağıra. Çünki yapılacaq daa çoq iş bar: binanıñ içindeki tamir, minare ve abdesthaneniñ quruvı közde tutula.

Köpürliköy camisiniñ tiklevi maqsadında açılğan hayriye esabınıñ rekvizitleri:
Teşkilâtnıñ adı: Merkezleştirilgen Diniy Teşkilâtı Qırım ve Sevastopol musulmanları diniy idaresi
Adres: 295001, Qırım Cumhuriyeti, Aqmescit ş., Kurçatov soq., 4.
İNN/KPP 9102170375/910201001
ÖGRN 1157700002085
Bank: OAO "Bank ÇBRR", Aqmescit ş.
BİK 043510101
Korrespondent esabı: 30101810035100000101
Esap: 40703810400001004864
Maqsat: Köpürliköy camisi içün hayriye sermiyalar (Qırım Cumhuriyeti, Qarasuvbazar r-nı, Puşkin soq., 25a)

QMDİ MDT matbuat hızmeti 

Devamını Oku

FİTİR SADAQASINI UNUTMANIZ

Ramazan ayınıñ soñunda fitir sadaqası bermek adetimiz bar. 
Bu sadaqa fuqare musulmanlarğa berilip, olarnıñ Ramazan bayramını da quvanç ile keçirmege imkân bere.
Bu yıl fitir sadaqasının miqdarı bir adam içün eñ azı – 12 tl
Keliñiz, muhtac olğanlarnı unutmayıq!

Devamını Oku

Cuma Hutbesinde 18 Mayıs 1944 Kırım Tatar Sürgünü anlatılıp, Şehitler için Dua Yapılacak

Cuma Hutbesinde 

 18 Mayıs 1944 Kırım Tatar Sürgünü anlatılıp, Şehitler için Dua Yapılacak

   Diyanet işleri Başkanlığı 15 Mayıs Cuma günü hutbelerde 18 Mayıs Kırım Tatar Sürgünü hakkında bilgi verip Şehitler için dua edilmesi kararı aldı.
   Kırım Tatar Teşkilatları Platformu’nun, Sürgünün 71. yılını anma faaliyetleri kapsamında Diyanet işleri Başkanlığı ile yapılan görüşmeler olumlu netice verdi. Türkiye'deki bütün camilerde Cuma namazı vaazı sonrasında 18 Mayıs 1944 Sürgününde şehit olan Kırım Tatarları hakkında bir konuşma yapılması ve dua edilmesi kararlaştırıldı.

Devamını Oku

"EÑ BÜYÜK MAQSADIM – ALLAH KÖSTERGEN YOLNEN KETMEK"

"EÑ BÜYÜK MAQSADIM – ALLAH KÖSTERGEN YOLNEN KETMEK"

   Dinara RUMİYEVA
   Qırım musulmanlarınıñ diniy idaresi halqımıznıñ qadimiy adetlerini canlandırmaq, dinimizni milletimizge terence açıqlamaq maqsadınen "Asıl degerlikler" ("İstinnıye tsennosti") adlı leyhanı meydanğa ketirdi. Bu leyha çerçivesinde Qırımnıñ aman-aman bütün şeer, köy ve qasabalarında Qırımda nam qazanğan artist Rustem Memetov, dağıstanlı ilâhiy yırcısı Hadis Sabiyev ve yaş icatkâr Bekir Adilovnıñ icrasında ilâhiy aqşamları ötkerildi. Şu leyha halqımızğa endi yahşı tanılğan yırcı Bekir Adilovnıñ icadını diger taraftan açıqladı.
– Musulman dininiñ esaslarını men sevimli anamnıñ yardımı ile ögrenip başladım. O, men ta mektepte oquğanda camide ötkerilgen kurslarğa barmama sebepçi olğan edi. Soñra men institutqa oqumağa kirdim. Aqmescitte men musulman dinini teren ögrengen insanlarnen tanış oldım. Qırımda nam qazanğan artist Rustem Memetov ve onıñ babası çoqtan berli ilâhiylerniñ söz ve notalarını toplap kelgenler. Rustem ağanı özümniñ birinci ocam, dep sayam. O, meni ögretmeknen bir sırada, men ile özüniñ medeniy baylığınen paylaşa. Dağıstanlı Hadis Sabiyevniñ icadı da meni bu yönelişte icat etmege ilhamlandırdı. İlâhiy – halq ayatınıñ çeşit saalarına başlanğan diniy yırlarıdır. Evel-ezelden toy, dua, cenaze kibi merasimler ilâhiylernen yaraştırıla edi. Menim maqsadım
– bu adetni canlandırıp, öz icadımda Alla köstergen yolnen ketmek. – Bilgenime köre, siz icra etken türkülerniñ sözlerini özüñiz yazasıñız. Bu saada yañılıqlar barmı? – Yaqında men anama bağışlağan bir yır yazdım. Peyğamberimiz (s.a.v) "Cennet analarnıñ ayağı astındadır" degen. Şu sebepten men dünyada eñ yaqın, sevimli, özüni tolusınen balasına, yaqınlarına bağışlağan analarğa ürmet ve sayğı bildirmek maqsadınen böyle türkü yazdım. Yaqında o dünya yüzü körecek. – Yaqın kelecekte nenen oğraşmaq niyetindesiz? – Qırım musulmanlarınıñ diniy idaresi İslâm dinine qoltutuv fondınen birlikte Peyğamberimizniñ (s.a.v) doğum kününe bağışlanğan Mevlüd tedbirlerini ötkere. Şu sebepten, Qarasuvbazar ve Eski Qırım şeerlerinde tedbirler endi keçirildi. Mayıs 5 künü Bağçasaraynıñ "Ayuv-dağ" banket zalında aqşam saat 17-de, Kezlevdeki Bala sanatı mektebinde mayıs 7 künü saat 17-de ve Aqmescitniñ "Yeşil ada" restoranında "İlham" , "Qırım" ansamblleri ve Dilâver Osmanov, Yunus Kakura, Asan Bilâlov kibi belli yırcılarnen beraberlikte bu merasimlerni yaraştırmaq niyetindem. Kiriş serbest, cümleñizni davet etem!
   Al-azırda sanat institutınıñ IV kurs talebesi olğan Bekir Adilov magistraturada oquvını devam etip, halqımız arasında ilâhiylerniñ keniş darqalmasına çalışmaq niyetinde. Biz oña büyük icadiy muvafaqiyetler tileymiz.

Bekir Adilov

Devamını Oku

KIRIM TATARCA KURAN BASILACAK

    

   KIRIM TATARCA KURAN BASILACAK

   Kırım Müslümanları Dini işleri tarafından yapılan açıklamada Kırımda 500 Adet Kırım Tatarca Kur’an basılacak. Kırım Mühendislik Pedagoji Üniversitesi, Tavriya Üniversitesi, Kırım Tatar dili Öğretmenleri ve Kırım Tatar gazetecilerle yaklaşık 1 yıldır sürdürülen çalışmalar tamamlanmak üzere. 

   Kırım Müftülüğü tarafından ilk defa Kuranı kerimin tatarca meali olacak. Kuranı kerimlerin Kurban Bayramına yetiştirilmesi bekleniyor.

Devamını Oku

Kırım’da Qarasuvbazar Cami açılışga azır

Kırım’da Qarasuvbazar Cami açılışga azır

   Qırım Müslümanları Diniy İdaresi Başkanı Hacı Emirali Ablayev Qarasuvbazar Cuma Camisiniñ açılışına azırlıq ketişatınen tanış oldı.
   16 Nisan qünü Qarasuvbazar Cuma Camisini ziyaret etip, ibadethaneniñ açılış merasimine azırlıq ketişatınen tanış oldı.
Cami qurmasınıñ teşebbüsçisi ve sponsorı Resul Velilâyev yarımada musulmanlarınıñ diniy yetekçisi hacı Emirali Ablayevni qarşıladı ve camide soñki tamir işleri alıp barılğanını bildirdi. Resul Velilâyevniñ qayd etkenine köre, Cuma Cami açılış merasimine mahsus programma azırlana. Programma eki qısımdan (saba ve aqşam) ibaret olacaqtır.

   Hacı Emirali Ablayev yañı camide namaz qılıp, Allahtan bu cami musulmanlarğa fayda, maarif ve birlik ketirmek içün hızmet etecegini soradı.
   Qarasuvbazar Cuma Camisiniñ açılış merasimi 2015 senesi, aprel 24-te keçirilecek. Cami qurma teşebbüsçisi ve sponsorı Resul Velilâyevniñ babası Refat Veliulla adını taşıycaq.

   QMDİ MDT matbuat hızmeti

Devamını Oku

Sizden en hayırlısı Quran oqumağa ögrengen ve digerlerni ögretkendir

Qurannı idraq etmek içün onı yahşı oqumağa ögrenmek lâzimdir.

   Er musulman kişi Quran oqumağa ögrenmek kerektir. Eñ evelâ, Qurannı idraq etmek içün onı yahşı oqumağa ögrenmek lâzimdir. Böyle maqsat ile Qırım musulmanları diniy idaresi yarımadanıñ bir çoq camilerinde qadın-qızlar ve erkekler içün Quran oquvı kurslarını teşkil ete. Qırım Müftiyatınıñ baş ofisinde (Aqmescit ş., Kurçatov s., 4) Quran oquvı kursı cuma künü saat 14.30 dan 17.00 ge qadar, cumaertesi künü saat10.00 dan 15.00 ke qadar keçirile. Bu yerde dersler Qalay yüksek islâm ilimleri medresesiniñ mezunları Gülsum Şirinskaya ve Ayşe Duran tarafından berile. Qayd etmek kerek ki, Quran oqumağa istegenlerniñ sayısı ep arta. Müftiyat yaşına baqmadan er musulmannı bu kurslarğa qatnamağa çağıra. Quran-ı Kerim Allahtan insanlarğa doğru yol kösterici olaraq endirildi. Muhammed Peyğamberimiz (s.a.v.) böyle buyurdı: "Sizden eñ hayırlısı Quran oqumağa ögrengen ve digerlerni ögretkendir" (Buhari, Fadailul-Quran, 21; Abu Daud, Vitr, 14/1452; Tirmizi, Fadailul-Quran, 15/2907). Bu hadiste añlatıla ki, ihlâsnen, Allahnıñ rizasını qazanmaq içün Muqaddes Kitabımıznı oqumağa ögrengen ve yaqınlarını ögretkenler eñ yahşı insanlardır. Çünki Quran-ı Kerim Allahnıñ sözüdir. 

QMDİ matbuat hızmeti

Devamını Oku

MÜFTİYAT ANATİL

MÜFTİYAT ANATİL

Müftiyat ana tilimizniñ inkişafına öz issesini qoşa Belli olğanı kibi, fevral 21 künü bütün dünya Halqara ana tili kününi qayd etti. Ana tili ğayıp olmaq havfı astında bulunğan qırımtatar halqı içün de bu kün seneden-sene ayrı mananı taşımaqta. Bu saada alimler, tilşınaslar, tedqiqatçılar çalışa, Qırımnıñ eki aliy oquv yurtınıñ qırımtatar tili ve edebiyatı kafedraları açıldı. Yarımadanıñ esas musulman ealisi olğan qırımtatar halqınıñ ana tilini saqlamaq içün Qırım musulmanları diniy idaresi de öz issesini daima qoşmaqta. Böyle maqsat ile, endi 20 yıldan ziyade QMDİ tarafından bastırılğan "Hidayet" gazetası qırımtatar tilinde neşir etilip, bütün yarımada boyunca 5000 nusha miqdarında tarqatıla. Bundan da ğayrı, Müftiyat ve şahsen Qırım müftisi hacı Emirali Ablayevniñ qararı ile, yarımada camilerinde hutbe ve subetler qırımtatar tilinde keçirile. Bu ise, camige kelgen musulmanlarğa, hususan gençlerge, tilni ögrenmege yardım ete. Qırım musulmanları diniy idaresiniñ medreselerinde de aman-aman bütün dersler qırımtatar tilinde berile. Kitaplar da ana tilimizde neşir etile. Eñ yaqın vaqıtta Quran-ı Kerimniñ qırımtatar tilinde tercimesi de derc etilecek. "Qardaşlıq" cemaat teşkilâtınıñ işbirliginde QMDİ binasında qırımtatar tili kursı teşkil etildi. Allah insanlarnı çeşit milletlerge, erkek ve qadınlarğa bölip, bir-birine oşamağan şekilde yarattı. Er milletniñ öz tili, medeniyeti bardır. Bunıñ içün ana tilimizni saqlamaq bizim borcumızdır. Ana tilimiz baylığımızdır. Keliñiz, elimizden kelgenini yapayıq ki, Qırımnıñ er köşesinde qırımtatar tili yanğırasın. QMDİ matbuat hızmeti.

Devamını Oku