Qırım(Kırımınsesi)
Qırımnıñ Canköy şeerinde belli qırımtatar kedayı Nafe Yağyayev 90 yaşında vefat etti. Qırımtatar halq yırlarını ve folklorını mükemmel bilgen Nafe ağa aqqında bir sıra vesiqalı filmler rus, ukrain ve türk jurnalistleri tarafından çıqarılğan edi. Nafe Yağyayev 1926 senesi mayıs 15 künü Qırımnıñ Qaymacı köyünde doğdı. Kezlev şeerinde yedi yıllıq mektepni bitirdi. 1942 senesi nemseler tarafından Almaniyağa aydap alıp ketilgen. Almaniya ve Avstriyada zavodlarda çalışqan.
1945 senesi azat etilip aman ‘satqın’ diye türmege qapatılğan. 1946 senesi Ğarbiy Ukrainadan Orta Asiyağa tüşken. Sonundan Özbekistannın Çırçıq şeerinde yerleşip, o yerde Himiya kombinatında çalışqan. Çalğıcılar gruppasını teşkil etip, toylarda milliy muzıka çalğan. Vatanğa avdet olğan son halq muzıkasını saqlap qalmağa öz isseni qoşqan. *** Milliy Meclis azası Gayana Yükselge onıñ qartbabası, 1926 senesi doğğan Nafe ağa Yağya vefat etkeni munasebetinen teren taziye bildiremiz, aqraba ve yaqınlarınıñ cümlesine sabır ve baş sağlığı tileymiz. Merhum Allahnıñ rahmetinde olsun.
Qırımtatar Milliy Meclisi
0 yorum:
Yorum Gönder
Lütfen konuyla alakalı yorumlar yapın. Kırımın Sesi