Qırım(Kırımınsesi)
Bugün Aqmescit (Simferopol) şeerinde Qırım müsülmanlarınıñ Bütünqırım konferentsiyası olıp keçti. Qırımnıñ din erbapları, yerli din cemiyetleriniñ vekilleri ve cemaat teşkilatlarınıñ azaları Ukraina tarafından Qırım sıñırında müsülman batalyonını (taburını) teşkil etmek ve Kiyevde Qırım Muftiyatını meydanğa ketirmek teşebbüslerini ayıpladılar ve bu aqta mahsus Qararnı qabul ettiler. Konferentsiya iştirakçileri Qırımdaki Muftiyatnı ve şahsen Qırım müftisi hacı Emirali Ablayevni desteklegenlerini bildirdiler.
Bundan ğayrı konferentsiyada qırımtatarlar Qırımda qalmaq ve Vatanda yaşamaq kerekligi hususında da ayrıca aytıldı. Malümdir ki, bundan evel Qırım blokadasınıñ yetekçileri müsülmanlardan ibaret olacaq batalyon (tabur) teşkil etilecegini, milliy lider ve Ukraina halq deputatı Mustafa Qırımoğlu ise Kiyevde Qırım Muftiyatı meydanğa ketirilecegini beyan ettiler.
Qırım müsülmanlarınıñ diniy idaresi ve şahsen müfti hacı Emirali Ablayev bunıñle razı olmağanlarını eñ baştan bildirdiler.
0 yorum:
Yorum Gönder
Lütfen konuyla alakalı yorumlar yapın. Kırımın Sesi