AYDER İSMAİLOV: «QIRIM MUFTİYATI BÜTÜN QIRIM MÜSÜLMANLARINEN BERABER QIRIMDA QALACAQ»

Qırım(Kırımınsesi)

Qırım muftisiniñ muavini Ayder İsmailov Ukrainanıñ paytahtı Kiyev şeerinde Qırım müsülmanlarınıñ diniy idaresi (Muftiyatı) meydanğa ketirilmesine qarşı olğanını bildirdi.
Ayder İsmailov ‘Avdet’ gazetasına izaat bererek, cümleden böyle qayd etti: – Nasıl ola da Qırım Muftiyatı Kiyevde olacaq?! Niçün İstanbulda, Nyu-York ya da Londrada degil?!
Qırımtatar halqı Qırımda – öz Vatanında yaşay ve Qırım Muftiyatı bütün Qırım müsülmanlarınen beraber Qırımda buluna ve Qırımda her zaman qalacaqtır. Biz Qırım müsülmanlarınıñ işançını munasip şekilde aqlamağa hareket etemiz ve Qırım Muftisine de onı saylağan halq qıymet kese bilir.
Başqa laflar – diqqatqa ve ciddiy izaatqa layıq olmağan boş laflardır. Dinni şahsiy oyunlarda alet etmek olmaz.