ŞEİT NOMAN ÇELEBİCİHAN’IN QATLEDİLMESİ HATIRASI BÜTÜN QIRIMDA AÑILACAQ

Qırım- Kırımınsesi

Fevral 23 künü qırımtatar halqınıñ büyük şairi, devlet erbabı, birinci Qırım müftisi Noman ÇELEBİCİHANnıñ qatl etilgenine 98 yıl tolğanı munasebetinen Qırım camilerinde toplu dua merasimleri ötkerilecek.
Qırımnıñ baş camisi – Kebir camide ise toplu dua oqulıcaq em de şeitniñ hayatı ve faaliyetine bağışlanğan vesiqalı film numayış etilecek. Bundan ğayrı, Kezlev şeerinde Noman Çelebicihanğa bağışlanacaq milliy küreş boyunca yarış keçirilecek.