Kırımınsesi
Bugün saba Qırımnıñ Canköy şeerindeki ‘ELİF’ qırımtatar bala merkezi FSB (Rusya Federal Güvenlik Servisi) hadimleri tintüv ötkerdiler. Merkezniñ müdiri Lütfiye Zudiyeva bildirgeni kibi, FSB hadimleri qırımtatarca ve türkçe diniy kitaplarnı teşkerdiler. – Olar meni soğuğa çekecek oldılar. Lakin men advokatsız hiç bir sualge cevap bermeycem dedim.
Olar ne sebepten bizim merkezimizge kelgenlerini bilmeyim. FSB hadimleri atta balalarğa çeşit türlü sualler berdiler, - dedi Lütfiye hanım. Qırımtatar halqı Qurultayı merkeziy saylav komissiyasınıñ başı Zair Smedlayevnin bildirgenine köre, bugün FSB hadimleri Aqmescit şeerindeki Mokrousov soqağındaki camini de qamaçavğa aldılar. FSB bunı neçün yapa daha belli degil. Söz kelimi, şimdi Qırımda Ayvropa Şurasınıñ İnsan haq-huquqları boyunca missiyası bulunıp, qırımtatarlarnıñ vaziyetini ögrenmekte.
0 yorum:
Yorum Gönder
Lütfen konuyla alakalı yorumlar yapın. Kırımın Sesi