ALMANLAR QIRIMĞA KÖÇ ETMEGE HAZIRLANALAR

Qırım (Kırımınsesi)

Qırımdaki Almanlar cumhuriyet cemiyetiniñ (dernegi) reisi Yuriy Gempel bildirgeni kibi, 1944 senesi Qırımdan sürgün etilgen, şimdi ise sabıq SSSR territoriyasında ve Almaniyada yaşağan almanlar Qırımğa köç etmek isteyler.
- Sürgünlikten evel Qırımda 62 biñ alman ailesi yaşağan. Şimdi ise Qırımda tek 2,5 alman yaşay. Endi Rusiyeniñ çeşitli bölgelerinden ve Qazahistandan 1000 aile, Almaniyadan 400 aile Qırımğa köç etmek istey. Bizge aman-aman her kün böyle muracaatlar kelip tüşe. Almaniyada vaziyet kerginleşken sayın o yerden ketmege istegenlerniñ sayısı hep çoqlaşacaq, - dedi Y. Gempel. Qırım hükümeti Qırımğa köç etmege istegenlerni qabul etmege hazır olğanını bildire. Hükümet naziriniñ yardımcısı Ruslan Balbek bu aqta izaat bererek, böyle dedi:
– Qırım her kes içün açıq. Qırımda her bir millet ve her hangi din ürmet etile. Milliy ya da diniy sebeplerden basqığa oğrağanlar Qırımda sığına bileler.