«TATLI SES»NİÑ BAYRAMI HER KESNİ BİRLEŞTİRDİ

Kırımınsesi(Qırım)

Aqmescitteki Devlet akademik muzıkalı teatrinde «Tatlı Ses» yarışınıñ gala kontserti olıp keçti. Yekünleyici kontsertte balalar «vokal» ve «horeografiya» nominatsiyalarında çıqışta bulundılar.
İstidatlı balalarnıñ tatlı seslerinden hem de belli artistlerniñ icra etken yır ve oyunlarından her kes memnun qaldı. Yarışnıñ gala kontserti haqiqiy bayramğa çevirildi.
Kontsertte Qırım müftisi hacı Emirali Ablayev ve Qırım hükümetiniñ Rusiye tarafından tayinlengen reisi Sergey Aksyonov sözge çıqıp, «Tatlı ses»’ finalınıñ teşkilatçılarına minnetdarlıq bildirdiler. S. Aksyonov kelecek sene bu yarışnıñ keçirilmesine yardım etecegini ayttı.
Gala kontsertniñ bütün iştirakçilerine teşkilatçılar ve sponsorlar adından qıymetli bahşışlar taqdim etildi.
Tedbirniñ teşkilatçısıları –«Qara deñiz prodakşn» cemiyeti ve «Lale» telekanalıdır.