ŞAİR VE MİLLİY HAREKET FAALİ İDRİS ASANİNNİÑ HATIRASI ANILDI

Kırımınsesi(Qırım)

Bugün Aqmescitte İsmail Gaspralı adına cumhuriyet qırımtatar kütüphanesinde belli yazıcı ve şair, milliy hareket iştirakçisi ve cemaat erbabı İdris Asaninge (1927-2007) bağışlanğan hatıra aqşamı olıp keçti. İdris Çelebi oğlu Asanin Qırımnıñ Bağçasaray bölgesiniñ Foti-Sala köyünde doğdı. 1944 senesi ailesi ile beraber Özbekistannıñ Samarqand vilayetine sürgün etildi. Gençlik çağında şiirler yazmağa başlay.
Mektepten son pedagogika institutınıñ tarih fakültetinde ğıyaben oquy. Lakin Vatan haqqında şiirler yazğanı içün 1950 senesi tevqif etile ve 25 yıl katorgağa mahküm etile. Stalin gebergen son 1956 senesi azat etile. Türmeden qaytqan son institutnı 1961 senesi bitire. İdris Asanin hem ateşin şair, hem qırımtatar halqı milliy hareketiniñ faali olaraq Vatan Qırımğa qaytmaq içün, halqnıñ huquqlarını qayta tiklemek içün küreşe. Qırımda onıñ şiir kitapları hem de milliy hareket iştirakçişerine bağışlanğan ‘Adalet küreşi saflarında’ adlı kitapnın bir qaç cıltı çıqa.
O, sonki künlerine qadar ‘Azizler’ cemiyetinin yolbaşçısı edi. Kütüphadene ötkerilgen hatıra aqşamında şairniñ safdaşları, yaqınları, yazıcı ve maarifçiler çıqışta bulundılar. Edipniñ eserleri oquldı. Olar İdris Asaninnin eserleri unutılmaycağını, yapqan işleri ise devam etilmek kerekligini qayd ettiler.