Bu hafta Ukrainanıñ paytahtı – Kiyev şeerindeki Milliy muzeyde belli qırımtatar ressamı Rustem Eminovnıñ sergisi açıldı. Bundan evel Qırımda numayış etilgen sergide ressamnıñ ‘Avdet’ seriyasını teşkil etken resimler yer aldı. Sergide taqdim etileyatqan işler sürgünlik ve Vatanğa avdet mevzularını aydınlata. Sergide Kiyev sakinleri, ressamnıñ muhlisleri, Ukraina halq deputatları Mustafa Cemilev ve Refat Çubarov iştirak ettiler.
- Şimdiki vaziyette Kiyevde böyle sergi köstermek ressamdan büyük cesaret talap ete, - dedi milliy lider Mustafa Cemilev. Sergide ressam Rustem Eminov çıqışta bulunıp, öz icadı ve taqdim ettigi resimleri haqqında hikaye etti. Malüm olğanı kibi, Rustem Eminovnıñ eserleri Ukrainada 2016 senesi berilecek Taras Şevçenko adına mükafatnı almaq içün taqdim etildi.
0 yorum:
Yorum Gönder
Lütfen konuyla alakalı yorumlar yapın. Kırımın Sesi