Kırımınsesi(Qırım)
Qarasuvbazar bölgesiniñ Köktaş (Sinekamenka) köyünde orta asırlarda inşa etilgen cami yañıdan quruldı. Kelecek sene bu caminiñ tantanalı açılış merasimi olacaq.
Köktaş camisiniñ restavratsiyası (onarımı) bıltır başlanğan edi. Bu cami XVI asırda inşa etilgeni tahmin etile.
Keçken asırda cami bütünleyin harap etilse de, onıñ özgün naqışlı mihrabı künümizge qadar saqlanıp qalğan. Mihrapnıñ üstündeki arap yazılarına köre, cami soñki sefer 1895 (1321) senesi tamir etilgen edi.
İşte, aradan yüz yıl keçken soñ camide kene Quran-ı Kerim oqula, namaz qılına, gençler İslâm dininiñ esaslarını ögreneler.
Bıltır cami yanında ilk kere Qurban bayramı qayd etildi. Caminiñ yanıdan qurucılığı Köktaş köyüniñ sakini Seran Kirimovnıñ teşebbüsinen başlandı. Qırım musulmanları diniy idaresiniñ matbuat hızmeti bilidrgeni kibi, Seran Kirimov ve köyniñ cemaatı Qırım Müftiyatına ve şahsen Qırım müftisi hacı Emirali Ablayevge hem de caminiñ qurucılığını desteklegen bütün dindaşlarğa minnetdarlıq bildireler.
0 yorum:
Yorum Gönder
Lütfen konuyla alakalı yorumlar yapın. Kırımın Sesi