Kırımınsesi(Qırım)
Dekabr 2-de Qırım müftisi hacı Emirali Ablayev "Yañı dünya" gazetesiniñ ofisinde şu gazete ve "Yıldız" dergisiniñ muharririyet hadimlerinen körüşti. Belli olğanı kibi, bu eki neşir hakimiyet tarafından teşkil olunğan İsmail Gasprinskiy adına mediamerkez terkibine qoşularaq, yañı yıldan itibaren öz mustaqilligini ğayıp etmek havfı astında qaldı.
Qırım müftisi gazeteniñ baş muharriri Zera Bekirovanı ve Qırımtatar Yazıcıları Birliginiñ reisi, "Yıldız" dergisi heyetiniñ azası Riza Fazıl hem de belli yazıcı, dergi heyetiniñ azası Üriye Edemovanıñ teklif ve delillerini diñlegen soñ, ‘Terciman‘ gazetesiniñ ananelerini devam etken ve qırımtatar halqınıñ eñ eski ve itibarlı neşirleri olğan ‘Yañı dünya’ gazetesine ve ‘Yıldız’ dergisine qoltutacağını, olarğa öz mustaqilligini saqlap qalmağa yardım etecegini bildirdi.
- Onlarnen yıllar devamında neşir etilgen gazete ve dergi öz sıfatlarını ğayıp etmemeliler. Aksine, olarnıñ statusını kötermek, inkişafını da teminlemelimiz, – dedi Qırım müftisi ve bu mesele hakimiyet reberlerinen muzakere etilecegini ayttı.
0 yorum:
Yorum Gönder
Lütfen konuyla alakalı yorumlar yapın. Kırımın Sesi