AMETHAN SULTAN – UNUTILMAYCAQ QAHRAMAN

Kırımınsesi(Qırım)

Ukrainada yañı işlengen cenk uçağına (AN-178) ad qoymaq boyunca konkurs bu yıl oktabr (ekim) ayında ilan etilgen edi.
Ukrainanıñ çeşitli yerlerinde yaşağan adamlar uçaqqa layıq ola bilecek türlü-türlü adlar teklif etkenler. Teklif etilgen adlar arasında qırımtatar halqınıñ milliy qahramanı, uçucı-sınavcı Amethan Sultan adı da bar. Qırımtatar halqı Meclisi de bu adnıñ qoyulmasına qoltuttı. Facebookta ötkerilgen konkursta 250 biñ adam iştirak etti.
İştirakçilerniñ ekseriyeti uçaqqa Amet-Han ya da Stepan Bandera adı qoyulması içün rey berdi. Lakin uçaqnı yapqan ‘Antonov’ işhanesi yañı uçaqqa bir de bir ad qoymaq meramından endi vazgeçti.
Ne de olsa qahraman Amethan Sultannıñ adı bütün Ukrainağa belli oldı ve ileride onıñ adı yañı bir uçaqqa berilecegi tahmin etile. Söz kelimi, bu yıl Ukraina Yuqarı Radası Aqmescitteki hava limanına Amethan Sultan adını berdi. Qırımdaki hakimiyet ise bu qararnı qabul etmedi.