TUVĞAN TİL
Seni
men Qırımda, Qazanda taptım,
Cüregim qaynağan, taşqanda taptım...
Cüregim qaynağan, taşqanda taptım...
Cat
elde muğayıp, açınıp cürgende,
Ümütim, hayalım şay tüşip cürgende,
Ümütim, hayalım şay tüşip cürgende,
Moynuña
sarıldım, dertimni aytıp,
Bir güzel sözüñmen özüme qaytıp...
Bir güzel sözüñmen özüme qaytıp...
Cırlarıñ bolmasa, maneñ bolmasa,
"Curt" degen sözüñmen cürek tolmasa,
"Curt" degen sözüñmen cürek tolmasa,
Ah, nasıl cürermen ğurbet yaqlarda,
Tanışsız, bilişsiz yat soqaqlarda?..
Tanışsız, bilişsiz yat soqaqlarda?..
Bilmiymen – türükmi, tatarmı adıñ,
Bek yaman tatlısıñ, Tañrıdan tadıñ.
Bek yaman tatlısıñ, Tañrıdan tadıñ.
Türük de, tatar da seniñ sözleriñ,
Ekisi eki çift muñlu közleriñ...
Ekisi eki çift muñlu közleriñ...
Viyana ögünde, Qazaq içinde
Barabar cırladıq Hindlerde, Çinde...
Barabar cırladıq Hindlerde, Çinde...
Añlasın bir seni, duşman da süyer,
Bir canıq sözüñmen cüregi iyer...
Bir canıq sözüñmen cüregi iyer...
İsteymen özüñni her yaqta körmek,
Her yerde inciñden destanlar örmek...
Her yerde inciñden destanlar örmek...
Quşlarğa, qaşqırğa üyretsem seni,
Sen bolsañ öksüzniñ köñülden süygeni…
Sen bolsañ öksüzniñ köñülden süygeni…
Camige, mihrapqa, sarayğa kirseñ,
Deñizler, çöllerniñ çetine erseñ...
Deñizler, çöllerniñ çetine erseñ...
Seniñmen duşmanğa yarlıqlar yazsam,
Qaruvlı sözüñmen köñlüni qazsam...
Qaruvlı sözüñmen köñlüni qazsam...
Qabrimde melekler sorğu sorasa,
Azrail tilimni biñ kere torasa,
Azrail tilimni biñ kere torasa,
"Öz tuvğan tilimde ayt mağa!" dermen,
Öz tuvğan tilimde cırlap ölermen...
Öz tuvğan tilimde cırlap ölermen...
Köñlümni qayğılar kemirip turğanda,
Xalqımnı tınışsız yıldızı urğanda,
Xalqımnı tınışsız yıldızı urğanda,
Tuvğan til, başqası aqlıma kelmiy,
Bir büyük sırımsıñ, duşmanlar bilmiy...
Bir büyük sırımsıñ, duşmanlar bilmiy...
Bekir ÇOBAN-ZADE
(1893-1937)
1918 yılında
kaleme alındı
0 yorum:
Yorum Gönder
Lütfen konuyla alakalı yorumlar yapın. Kırımın Sesi