Kırımınsesi(Qırım)
Aqmescit şeerinde belli qırımtatar ressamı Enver İzetovnıñ 60 yıllığı munasebetinen mahsus sergi açıldı.
Sergide ressamnıñ çeşitli üslüpte yaptığı onlarnen eserleri numayış etilmekte. Mutehassıslarnıñ aytqanlarına köre, ressam ve grafikacı Enver İzetovnıñ her bir resimi özüne has şekilde yapıldı. Onıñ özgün işlerinde ekseriyette hayaliy obrazlar ve milly motivler mücessemlene.
Bir çoq resimleri de kitaplarnı bezetmek içün qullanıla. Enver İzetov 1955 senesi Özbekistannıñ Fergana şeerinde dünyağa keldi.
Fergana sanat oquv yurtunı bitirdi.
Bir sıra cumhuriyet ve halqara sergilerniñ iştirakçisi ola. O, Ukraina Ressamları Birliginiñ azası ve Qırımtatar Ressamları Birliginiñ sabıq reisidir.
0 yorum:
Yorum Gönder
Lütfen konuyla alakalı yorumlar yapın. Kırımın Sesi