Qırımtatarlarnıñ liderleri OSCE Yuqarı komissarı ile muzakere ettiler

Kırımınsesi(Kiev)

Qırımtatar Milliy Meclisiniñ matbuat hızmeti bildirgenine köre: Ukraina prezidentiniñ qırımtatar halqı işlerinden vekâletlisi Mustafa Cemilev ve Qırımtatar Milliy Meclisiniñ reisi Refat Çubarov OSCE milliy azlıqlarnıñ aq-uquqları boyunca Yuqarı komissarı Astrid Torhs ile Qırımda insan aqlarınıñ bozulması ile bağlı meselelerni muzakere ettiler.

 Noyabr 6-da, Kiyevde qırımtatarlarnıñ milliy lideri Mustafa Cemilev ve Qırımtatar Milliy Meclisiniñ reisi Refat Çubarovnıñ OSCE milliy azlıqlarnıñ aq-uquqları boyunca Yuqarı komissarı Astrid Torhs ile körüşüvleri ötkeridi. «Qırımtatarlarğa qarşı yapılğan ayırım ve basqılar»  meseleler üzeriñde qonuştılar.

 Refat Çubarov Qırımda basqığa oğrağan insanlarnı Ukraina Baş prokuraturası yanındaki Qırım Muhtar Cumhuriyetiniñ prokuraturası ve Kiyevdeki Meclis temsilciligine ariza bermege çağırdı.

Cuma künü, noyabr 6-da, Meclis vekilleri qırımtatar teşkilâtlarınıñ temsilcileri ile beraber Kiyevdeki Rusiye Federatsiyasınıñ elçihanesi yanında barışıq narazılıq aktsiyasını keçirdiler.