QIRIMTATAR YAZISI VE MEDENİYETİ BAYRAMI

Kırımınsesi(Kırım)

Noyabr (kasım) ayınıñ 2-6 künleri Qırımda Qırımtatar yazısı ve medeniyeti bayramı qayd etilmekte. Bu münasebet ile esas tedbirler İsmail Gasprinskiy adına cumhuriyet kütüphanesi tarafından teşkil olundı. Bayramnıñ birinci künü kütüphanede ilk tedbirler tantanalı sürette açıldı. Bayramda Qırım Medeniyeti nazirliginiñ vekilleri, üniversitet ocaları, sanatçılar, matbuat hadimleri ve yazıcılar iştirak ettiler. Tedbirde «Umumtürk ve qırımtatar qadimiy yazma yadikarlıqları» açıq mektüpler taqımı numayış etildi. Tedbirde ana tilimizde şiirler oquldı ve halq yırları yanğıradılar.

Bu künler devamında Qırımtatar yazısı ve medeniyeti bayramı çerçivesinde yañı kitaplarnıñ taqdim merasimleri, til meselesine bağışlanğan «tögerek masa» ve qırımtatar münevverlerlerinen körüşüvler ötkerilecek.

Qırımtatar yazısı ve medeniyeti bayramı Qırımda 2012 senesinden itibaren her yıl qayd etile.