«QIRIMNIÑ BEZEKÇİLİK ANANELERİ»

Kırımınsesi(Qırım)
Aqmescit (Simferopol) şeerindeki merkeziy müzeyde «Qırımnıñ bezekçilik ananeleri» adlı sergi açıldı. Ukrainada nam qazanğan ressam Mamut Çurlunıñ teşkil ettigi sergide qırımtatar milliy nağışçılıq ve bezekçilik eserlerinden numüneler numayış etilmekte. Olarnıñ arasında XIX-XX asırlarda yaratılğan unikal materiallar da bar. «Qırım uslübi» leyhası çerçivesinde ötkerileyatqan sergide Rustem Skibin, Eldar Guseynov, Ayder Abibullayev, Elvira Osmanova, Hatice Yunusova, Rusten Maqsudov, Zera Ablazisova ve diger belli ustalarnıñ işleri taqdim etile.
«Qırımnıñ bezekçilik ananeleri» sergisiniñ açılışında Qırım Medeniyet naziriniñ muavini İsmet Zaatov, ressam Mamut Çurlu, merkeziy müzeyniñ hadimleri çıqışta bulunıp, bu serginiñ muimligini qayd ettiler. Sergi bu yılnıñ soñuna qadar öz işini devam etecek.