«Türkvizyon 2015» yarışında Qırım temsilcisi iştirak etecek

«Türkvizyon 2015» yarışında Qırım temsilcisi iştirak etecek

Kırımınsesi(Kırım)

Belli ki, «Türkvizyon 2015» yır yarışı bu yıl dekabr (aralık) ayında İstanbulda ötkerilecek.                                                                                                                 Bu sefer yarışnıñ finalında 12 ülkeniñ temsilcisiiştirak etecektir. İşbu nufuzlu halqara yarışta Qırımdan genc ve istidatlı yırcı Safiye Denişayeva qatılacaq. O, yaqında Aqmescitte keçirilgen seçme turında birincilikni qazandı.  

TÜRKSOY ve Türk Dünyası Kültür Başkenti tarafından teşkil olunğan yarışnıñ ğalibi altın heykelçiknen taqdirlenecek.

Bu yıl «Türkvizyon 2015»ten ğayrı  «Bala Türkvizyon 2015» yır yarışı da olacaq. Bu yarışta Qırımnı Aliye Bekirova temsil etecek.

«Türkvizyon 2015»  ve  «Bala Türkvizyon 2015» yarışlarını Türkiyede «TMB TV» ile «Kral TV»telekanalları, Qırımda ise «Millet» telekanalı canlı efirde kösterecekler.